يا علي خل الترايب - نادر التتان
علي يابني.. بعد عينك على الدنيا العفا.. يابدر البعده ما يكمل.. و ﮔـبلل عينه اختفى.. شبابي فيك يالغالي يالغالي برحيلك تخسفه.. بعد ما ظل دمع عندي.. في عيني أذرفه.. إلك جمره بوسط ضلعي.. لهبها ما تنطفى.. أبو آنا.. ما ترحم يابني بوك و موقفه.. علي و كل خوفي يا وليدي العليك اتخوفه.. تشوفك دامي زينب.. يا شبيه المصطفى.. آآآه..
*** *** ***
يا علي خل الترايب ﮔـللبي ذاب..
لا تهيج حسرتي و بعدك شباب..
يابني يالأكبر.. ماﮔـدر أتصبر.. انظر بعيني.. جسمك مطبر
حـﭽـى المدمع.. علي يابني ارحمني و ﮔـوم
على المصرع.. وﮔـفت و فاضت الهموم
أهون عليك.. تخليني.. وحيد الهم.. ينور العين
يالأكبر ما.. هـﮕيتك يوم.. تباعد عن.. أبوك حسين
تشفت من ﮔـللبي عداي..
دهتني بزهرة دنياي..
و عمت بفراﮔـك عيناي..
يا أول طعنات حشاي..
يا علي بعدك على الدنيا العفا..
عمري هللحظة من ايامه اكتفى..
لروي هلمنحر.. من ظما و من حر
و ارمي جسمي يم.. جسمك مطبر
*** *** ***
يا علي خل الترايب ﮔـللبي ذاب..
لا تهيج حسرتي و بعدك شباب..
يابني يالأكبر.. ماﮔـدر أتصبر.. انظر بعيني.. جسمك مطبر
على جروحك.. ذكرتك يتلظى حشاك
ظمى بروحك.. و تسعر و شلون أنساك
يالأكبر ما.. نسيت إنك.. تعبت و جيت.. إلى الصيوان
تريد الماي.. و ما شفته.. و نويت تموت.. أسف عطشان
ما رويتك سامحني..
العطش مثلك جارحني..
يا من فـﮕدك ذابحني..
فديتك ﮔـللبي المحمي..
يا علي محلني بصروفه الزمان..
مالي حاجة بدويته و ماله أمان..
بالمحن كثر.. و بأبوك أثر
و الأمر شوفة.. جسمك مطبر
*** *** ***
يا علي خل الترايب ﮔـللبي ذاب..
لا تهيج حسرتي و بعدك شباب..
يابني يالأكبر.. ماﮔـدر أتصبر.. انظر بعيني.. جسمك مطبر
أظن يابني.. رحمك و آذاني البين
يعذبني.. يريح ﮔـللبك و العين
ألف رحمة.. يا روحي عليك.. لطف الله.. الك مكتوب
تروح و ما.. تشوف اهلك.. صريعه و بالـ.. ـهجير تذوب
بعد ساعة يتم يمك..
ذبح عمك و بن عمك..
و دمي يخالف دمك..
و تظل بحيرتها امك..
يا علي سلم على الزهراء البتول..
و ﮔـلها خليت الأبو جرحه يـﮕول..
عليه صاطي الشار.. بالأذى و طشار
حزني من رميك.. جسمك مطبر
*** *** ***
يا علي خل الترايب ﮔـللبي ذاب..
لا تهيج حسرتي و بعدك شباب..
يابني يالأكبر.. ماﮔـدر أتصبر.. انظر بعيني.. جسمك مطبر
المفضلات