على حمادي يا بوفاضل .... ياكفيلي
يا بو فاضل يا كفيلي انهض وعاين دليلي
يا بوفاضل ياالدليل منهو بعدك لي كفيل
يا كفيلي يا كفيلي
اعتب اعليك بأخوتنا يعباس ياللي كلك تضحيه وقوه وبساله
ياللي هزيت الحسام وبعدك ازغير ردته حق عاشر تقدم هالرساله
ساعدك مفتول للميدان صولات ندَّك يهابك يعنواني ابقتاله
بالحماسه وبالفراسه وبالسياسه تضحياتك ترسم ابواب العداله
اعتب اعليك اني زينب رحت وقلت الماي اجيبه
رحت وقلبي يشتعل نار زيد امصابك لهيبه
ما اريد الماي وخلنا بالظما نعيش المصيبه
ولا اشوفك يا حبيبي عينك اليمنى صويبه
لا انظر اجفوفك قطيعه يلطايح ابجنب الشريعه
رد ليه سالم يا ضيا العين ونشف مآقينا الدميعه
ضاعت أمانينا يا خويه والله ضعنا اشلون ضيعه
يا بو فاضل يا كفيل الحرم يا عز النساوين
يا بو فاضل ابحياتي امنين القى عزي امنين
يا بو فاضل عزي مفضوخ بعمد وادمومه صوبين
يا بو فاضل يا ذخر ليتام يا ظهر الولي احسين
اشلون تتركني يحماي الحمه واني اعلى اليسر ماني امعلمه
روحي للباري يخويه امسلمه وما يفيدن يا عزيزي اعتابي
يا قمر هاشم ايراويني الدهر من مصايب تفجع الصم الصخر
عمر أقشر نار قلبي تستعر من اشوفك ما ترد اجوابي
يلطريح اعلى النهر يا مهجتي رد على اختك يا خيالي وسلوتي
ماني اختك نحلِّت لي قوتي انته يا كل عيلتي واحبابي
رد عليها السان حال العلقميه جثة العباس يا زينب رميه
من نزل ماي النهر يروي السقايه نفسه ما هانت عليه قطره اميه
والله وافي بوالفضل روحه وكيانه ما رضى يشرب وتظمى الهاشميه
خالف الواقع وذب الماي عنه ونهض للحومه يقاتلهم سويه
لكن اشبيده يحوره قطعوا ايمينه وشماله
ورايته بزنده اتمايل والسهم صوب جماله
سهم الي بعينه يزينب نحل اقواه ودليله
والعمود اللي يويلي عفره من عالي خيله
ناداها من صوب الشريعه عذريني يختي يا وديعه
من طيحتي يختي يزينب ضعتي يخيتي اشلون ضيعه
اليوم انتهى حق عليه ابطيحتي جنب الشريعه
نسواني وأهلي وليتام عندش امانه يا وديعه
يا عقيله لو بجى الطفل وتفرهد من يسليه
يا عقيله نشفي منه المدمع وظل تمسحي اعليه
يا عقيله والشهيد احسين بالمحنه تداريه
يا عقيله تعتبيني ايعز علي والله اخليه
ما يهمني السهم والله ما يهم والعمود اللي فضخني ما يهم
اليهمني الماي صابوه ابسهم روحي ماتت من سهمهم صابها
اخترق سهم العدا كل قوتي اذكرت يختي أهلي وعيلتي
يرقبون الماي لكن حسرتي وشبديه يا عقيله اعليها
خبري ليتام اشجرى وشللي حصل وخل يروي هالعطش ماي المقل
آه يزينب حالي بالفجعه انثجل وخل يختي احسين يسكن حالها
من وقع عباس ماج الفلك بحسين هاجت انفاسه وصد عند النساوين
راح اليه احسين فرقهم اويلي شافه دامي والسهم متصوب ابعين
يمسح ادموم الجرت يندب زمانه والظهر منه انكسر وادموعه صوبين
نادى يلخليت روحي اتموج بيه منهو بعدك ياعزيزي ينصر احسين
صاح ابو فاضل يفارس انشدك بالله اتركني
خل اخويه حسين هسه بلحظه يلفارس يجيني
ارفق بحالي تراني زايده اجروحي او وني
ما يطيبها الا لحسين بس يجيني يودعني
يلكافل انا مهجه احشاك انا الغريب اللي تركته
انه اللي تشمت فيني اعداك وابطيحتك ظهري كسرته
آنه الشهيد وروحي تنخاك ليه الهضم يا خويه جبته
ساعه تمر عباس والقاك عيش الدنيه والله عفته
يا بو فاضل من الى الحوره ينشف مدمع العين
يا بو فاضل للخيم خلني اشيلك يا ضيا العين
يا بو فاضل هذي سكنه تنطرك دمعتها صوبين
يا بو فاضل والعقيله اتصيح يا عز النساوين
قال يا مظلوم جنب المشرعه ما اريدن صوت زينب اسمعه
خلني مطروح وجفوفي مقطعه شوفه النسوان لا ما ريدها
غمض اعيوني يروحي وسلوتي وصل الزينب الحوره حالتي
تعذرن خيها نحيله قوتي والارض بدمومي يسقونها
قوم يا عباس بيك احنه التجينه يبو فاضل قوم رجعنه المدينه
جينه بحماكم يحماي الضعينه تتركنه ابها الفلا او ماحد الينه
بو الفضل خويه اوكفيلي الوعد وينه يوم وصاك الولي حيدر ابونه
قال يا عباس عندي لك امانه اتراعي زينب اختك الحره المصونه
حيدر الوصاك بيه يا لاخو تحاذر عليه
قال يا عباس زينب احفظوها من الاذيه
منك عجب تتركني وحدي من دون كافل يا كفيلي
تدري بي يا خويه غريبه محتار يلوافي دليلي
وعدك وعهدك يلولي وين انخاك يا عزي ودلالي
بحماك جيت وابحمه لحسين يا سور عزي من بقى لي
يا بو فاضل تتركني بهالفلا من غير حامي
يا بو فاضل بين اعادي حايره والقلب دامي
يا بو فاضل شيبتني يلولي حنت ايتامي
يا بو فاضل اتصيح باسمك وينه يا عمه المحامي
عجب منك يا عضيدي وكافلي اتضيعوني بهالفلا ما حد الي
بين اعاديكم يخويه انولي حرمه يا خويه ضعيفه اشبيدها
والله شيبني زماني ابمحنتي قلبي يا خويه بمصايب مبتلي
واليتامه بلا كفيل ولا ولي قوم يا عزها البقه وحاميها
والله تفجع حالتك شفتك صريع نايم اعله المشرعه وحالك فظيع
تعذرك زينب يبو الجف القطيع يوم مروا بالضعن سابينها
اني زينب يا ابو النفس الابيه قدمت لك بو علي سرج المنيه
قربن صدرك يخويه ارد اشمك روحي اتون بو علي ونه خفيه
من اشوفك يا عزيزي ماسك الخيل ناشر الصارم يعز الهاشميه
فتتني موقفك ما بين اعاديك روحي من بعدك يخويه ملتظيه
شابحه اعيونك يصنديد والعطش ذوب جنانك
يا عزيز الزهره لا تروح منهو الحامي عيالك
آه يلحسين انته تدري كلنا يا خويه فدا لك
لكن تروح وتخلي العيله تتلوى اعلى حالك
يا ابن امي لو شفتك بلتراب متحمل بهالحومه لمصاب
نور الكفيل الغالي عباس متفطر وعنه القمر غاب
عاتبته طايح بالشريعه وادري به ما ينفعني لعتاب
خويه يحسين يا كفيلي لو تخلي الحومه عنك
خويه يحسين صدق بن كاهل بقلبك يجرحنك
خويه يحسين واللعين الشمر ويلي يذبحنك
خويه يحسين والخيول العاديات يرضضنك
اشلون تتركني يخويه بلوعتي تتركني ومن يسكن أنتي
يا عزيزي اشلون بعدك عزتي العقيله يا عزيزي اشبيدها
مايجف الدمع يا روح البتول لندبك يا كافلي بكل الفصول
والله لو افتح جناني ويش يقول عيشة الدنيا ابد ما ريدها
يلتركت العيله يلوالي حزينه انهض ورجعنا هالساع المدينه
يللي ظل عاري تدوسه الاعوجيه يللي فضخوا هالعدا ويلي جبينه
يللي منعوه الورد ظامي يخلوه واقطعوا روحي وجسمك من ونينه
قللي والنار اللي شبت في خدرنا هجموا العدوان يلوالي علينه
وقفت اعلى التل تنادي يا غريب الغاضريه
رد علي ماني اختك لو جنى دهري عليه
انهض وعاين خيمنا والحمل هللي عليه
يا كفيل العيله يحسين يا عظمها من رزيه
نادى بلسان الحال اخوها لا ترتجي للخيم جيه
خيج يزينب تعذرينه واتحملي بعده البقيه
جسمي يبت حيدر بلا راس داستني خيل الاعوجيه
اتنحلت يزينب اقواي وجسمي يظل فوق الوطيه
آه يزينب بالعجل دركيني شيلي الطفله عني
آه يزينب زيدت يختي علي همي وحزني
آه يزينب شوفه الخفقه اللي بفادي تفتني
آه يزينب ما اريد الطفله تدري بالبهضني
روحي يا زينب الى خيام الحرم واستعدي آه يزينب للهضم
باجر تشوفين الهم والألم لا تزيدي اه يخيتي اشجوني
روحي للنسوان لمي الأهل سكني روعتهم ونشفي المقل
هدئي الأطفال لو منهم طفل هلت ادموعه ينور اعيوني
المفضلات