فديت اللي

[امــــ شمعة ـل]

فديت اللي اذا ما جيت انا اساله عن حاله

يبان الشوق في عينه ويسالني وش اللي فيك

واذا ما جا على بالي اكيد اني على باله

واذا ما جيتني تسال انا اللي ارتمي واجيك

زعل مره واحرمني وانا المشتاق لوصاله

سهرت بليلة الفرقا وكنّي من الوله اشكيك

يروح الليل ويركني ويفعل فيني افعاله

وانا في دفتري حاير ادوّر كيف انا ارضيك

هجير الشوق والخاطر يساءلني عن احواله

انا وش حيلتي ياللّي غرامي ما يأثر فيك

اخاف الحين اشرح لك عذاب الليل واهواله

ويصير الهم في قلبك عيوني يالغلا تفديك

لو انك فارس العشاق وكل الكون خيّاله

انا درب الليالي اللي اذا ما جيتني اطويك

انا ذاك الغرام اللي عظيم الشوق هو خاله

وفيك الخوف لو يطري انا يا منيتي اغطيك

سكنت الروح والخافق غديتي داره وماله

ولك في غيبتك طاري ينازعني على طاريك

دخلت دنيتي لما نسيت القهر واظلاله

ملكت مهجتي والروح كل ما تطلب تعطيك

يبان الشوق في عيني وانا اساله عن حاله

وخوف الكون يملكني قبل يسأل (وش اللي فيك)؟

[My tears]

أختي الكريمة .. امل شمعة ..

في البداية أرحب بك في ربوع منتديات الناصرة الثقافية .. وخصوصاً منتدى الخواطر والأدب ..

بدايه رائعه أُخيه .. وكلمات في منتهى الروعه ..

أسلوبك راقي ..

أتمنى لكِ وقت ممتع في ربوع المنتدى ..

ننتظر جديد قلمك ..

تقبلي تحياتي .. أختك My tears ..

[المستجير]

ماشاء الله على الكلمات الرائعه
الله يعطيكى العافه على ها الكلمات الطيبه

[شمعه تحترق]

قصيده اكثرمن رائعه امـــــــــ شمعه ـــــــــــل

على الرغم مما تحمله من تناقظ في تعابيرها

الا انها تمتلىء وتفيض احاسيس مرهفه

تناسق رائع بين القافيه والوزن
[img]http://reemmoon.***********/tanseeq/t2.gif[/img]
اتحفينا بكل جميل دائما ً

شمعه

[بحر الشوق]

تسلمين اختي شمعة امل على ماخطه
قلمك وان شاء الله بداية جميلة ونتمنى
وننتظر الاجمل.....

تحياتي
بحر الشوق

[امــــ شمعة ـل]

مشكوره خيو على المرور والتعقيب

[امــــ شمعة ـل]

مشكر اخي المستجير
على المرور والتعقيب

[امــــ شمعة ـل]

شكرا للكي اختي على مرورك وتعقيبك
واتمنى لكي اختي شمعه تحترق دوم التوفيق

[امــــ شمعة ـل]

شكرا اخي بحر الشوق على تنوير صفحتي بكلماتك الجميله التي طلت علي كظوء القمر

كما اتمنى ان تعجبك جميع موضوعاتي

على امل قراءة جديدي دائما
تحياتي اختك:
شمعة امل